Rusiya Federasiyası Ukrayna Ordusuna qarşı təhlükəli kimyəvi maddələrdən istifadə edir?

Rusiya-Ukrayna müharibəsində qadağan olunmuş silahların tətbiqi ilə bağlı vəziyyət kritik həddə çatıb. Ukrayna Müdafiə Nazirliyinin və beynəlxalq qurumların (BOK) 2025-ci ilin sonuna olan hesabatlarına əsasən, Rusiya ordusu tərəfindən Ukrayna mövqelərinə qarşı 11 mindən çox kimyəvi hücum faktı qeydə alınıb. Baku TV-nin təqdim etdiyi süjetdə bildirilir ki, təkcə 2025-ci ilin aprel ayında rekord sayda — 894 kimyəvi zərbə endirilib. İddialara görə, Rusiya qüvvələri əsasən K-51 və RG-VO qaz qumbaralarından istifadə edərək, tərkibində CS (gözyaşardıcı qaz) və daha təhlükəli Xloropikrin olan maddələri PUA-lar vasitəsilə səngərlərə atır. Bu maddələr əsgərlərdə tənəffüs iflici, göz yaşarması və boğulma yaradaraq onları sığınacaqlardan çıxmağa məcbur edir və konvensional silahlar üçün hədəfə çevirir. Kimyəvi Silahların Qadağan Edilməsi Təşkilatının (OPCW) 2025-ci ilin iyun və iyul aylarındakı hesabatları bu maddələrin döyüş sahəsində mövcudluğunu təsdiqləyib. Beynəlxalq hüququn kobud şəkildə pozulması və bu zərbələrin Ukrayna ordusunun döyüş qabiliyyətinə təsiri barədə ətraflı təhlil Baku TV-də.