Ukrayna gecə hücuma keçdi | Rusiyaya ağır zərbə endirildi - Baku TV

Ukrayna Silahlı Qüvvələri Rusiyanın Krasnodar diyarına pilotsuz uçuş aparatı ilə hücum edib. Nəticədə, üç nəfər ölüb, daha iki nəfər isə xəsarət alıb.

Bu barədə regionun qubernatoru Veniamin Kondratyev məlumat verib.

Onun sözlərinə görə, həlak olanlar uşaqlardır. Bundan başqa, PUA qalıqları liman ərazisindəki müəssisəyə düşüb və orada yanğın baş verib.

Ukrayna qüvvələri Rusiyanın Samara vilayətindəki “Novokuybışevsk” neft emalı zavoduna və bölgədəki logistika mərkəzinə də zərbə endirib.

Həmçinin Krımdakı “Saki” aerodromunda Rusiyanın “Su-24M” təyyarəsinin məhv edilməsi də təsdiqlənib.

Bu barədə Ukrayna Prezidenti Volodimir Zelenski özünün “Telegram” kanalında yazıb.

“Novokuybışevsk” neft emalı zavodu cəbhə xəttindən təxminən 1000 kilometr məsafədə yerləşir. Zavodun illik emal gücü təxminən 8,8 milyon ton neft təşkil edir. Müəssisədə xüsusilə avtomobil və aviasiya yanacağı, eləcə də dizel yanacağı istehsal olunur.