Rusiya Fransaya niyə nota göndərdi? | Medvedevden Makronla bağlı qalmaqallı paylaşım
Rusiya Fransaya nota göndərib. Bu haqda Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
Notaya əsasən, ötən gün Parisdə “Le Burje” Hava Limanında saxlanılan “Telegram” sosial şəbəkəsinin təsisçisi Pavel Durovla əlaqə saxlamaq tələb edilib.
Rusiya və Fransa arasında yaşanan gərginlik rəhbələrin sosial şəbəkələrdə bir-birilərini təhqir səviyyəsinə qədər gətirib çıxarıb.
Belə ki, Rusiya Təhlükəsizlik Şurasının sədr müavini Dmitri Medvedev zarafatla Fransa Prezidenti Emmanuel Makronu ölkədən qaçmağa çağırıb. Sədr müavini bu barədə özünün “X” hesabında yazıb.
“Makron, Fransadan rədd ol! P.Durovun ordusu artıq sənin arxanca gəlir”, – göz yaşları ilə gülüş emojisi əlavə edərək o, cümləni tamamlayıb.
Qeyd edək ki, “Telegram”ın təsisçisi Pavel Durov dünən Parisdə saxlanılıb. O, narkotik vasitələrin qanunsuz dövriyyəsi, çirkli pulların yuyulması və oğurlanmış malların idarə edilməsində ittiham olunur.
![icon](/images/loading.png)