Rusiya gözlənilməz itki ilə sarsıldı! | Cəmi bir gündə elə şeylər oldu ki...

Sentyabrın 12-dən 13-nə keçən gecə Rusiya Silahlı Qüvvələri Ukraynanın ərazilərini dron və raketlərlə atəşə tutub.

Ölkənin Müdafiə Nazirliyindən bildirilib ki, əsasən paytaxt Kiyev, Sumı və Pokrovsk kütləvi hücumlara məruz qalıb. Gecə saatlarında Sumıda partlayış səsləri eşidilib, bir neçə vilayət və şəhərlərdə hava həyəcanı siqnalı işə salınıb.

Ukrayna Hərbi Qərargahından isə vurğulanıb ki, son sutka ərzində cəbhədə 183 hərbi toqquşma qeydə alınıb. Döyüşlər əsasən Pokrovsk istiqamətində gedib. Bununla yanaşı, qurumdan əlavə edilib ki, son 24 saat ərzində Rusiya Silahlı Qüvvələrinin daha 950 hərbçisi məhv edilib.

Rusiya Müdafiə Nazirliyindən isə bildirilib ki, gecə ərzində ölkənin Hava Hücumundan Müdafiə qüvvələri Ukraynaya məxsus 42 PUA-nı zərərsizləşdirib.

“Vostok” qoşunlar qrupunun mətbuat mərkəzinin rəhbəri Aleksey Yakovlevin sözlərinə görə, Ukrayna tərəfi də döyüşlərin getdiyi bütün istiqamətlərdə 1465 hərbçisini itirib.

“Rosaviasiya”dan isə bildirilib ki, sərnişinlərin təhlükəsizliyinin qorunması məqsədilə gecə və səhər saatlarında Federasiyanın Yaroslav, Volqoqrad, Samara və Saratov hava limanlarında təyyarələrin uçuşuna və qəbuluna müvəqqəti məhdudiyyətlər qoyulub.