Rusiya işğal etmədiyi Ukrayna ərazilərini də istəyir?

“Rusiya və Ukrayna arasında mümkün sülh müqaviləsi ilə bağlı ABŞ iki əsas məsələni müəyyənləşdirib”.

Bunu ABŞ-nin vitse-prezidenti Cey Di Vens deyib.

Onun sözlərinə görə, iki əsas məsələdən biri ərazi ilə bağlıdır. Rusiya işğal etmədiyi 6 min kvadratkilometr ərazini istəyir. Rusiyanın istədiyi budur.

“İkinci məsələ Ukraynanın təhlükəsizliyə zəmanət tələbidir”, ‒ deyən Cey Di Vens bildirib ki, razılaşma əldə olunsa, Rusiya ordusu bir neçə ay, yaxud il ərzində geri çəkilməyəcək.

O qeyd edib ki, Rusiya ilə Ukraynanın Donald Trampın açdığı sülh qapısından keçəcəyi bəlli deyil. Amma Ağ Ev bu istiqamətdə səylərini davam etdirir.

Vaşinqtonun Moskvaya iqtisadi sanksiyalarından bəhs edən ABŞ-nin vitse-prezidenti vurğulayıb ki, bunun üçün müharibənin davam etdirilməsindən başqa səbəb yoxdur. Ukrayna mübaribəsi başa çatdıqdan sonra Tramp Rusiya ilə əməkdaşlığı genişləndirə bilər. Çünki Rusiyanın neft-qaz, mineral resurslara sahib olması ABŞ-nin bu ölkəyə marağını artırır.