Rusiya nüvə silahını işə salır? - Polşa görünməmiş dərəcədə təhdid altındadır

Ukrayna-Rusiya müharibəsi 3 ildir ki, səngimək bilmir. Bu illər ərzində Rusiyanın əlinin daha uzaq məsafələrə uzanacağı proqnozlaşdırılırdı.

Səbəb isə Ukrayna müharibəsi çərçivəsində bir çox ölkələrin, ələlxüsus da Polşanın mövqeyidir. Çünki müharibə ərzində Ukraynaya göndərilən silahlar Polşa ərazisindən ötürülür. Bu da Polşa üçün Rusiya təhdidini böyüdür.

Belə ki, son günlər Rusiya Silahlı Qüvvələri Ukraynanın Polşa ilə sərhədə yaxın bölgələrində intensiv hərbi əməliyyatlar keçirir. Bunun müqabilində isə Polşa hava hücumundan müdafiə və kəşfiyyat sistemlərini tam döyüş hazırlığına gətirib. NATO-ya bəzi üzv ölkələr də Polşaya dəstək göstərib.

Məlumat üçün qeyd edək ki, Polşa-Rusiya gərginliyi XVII əsrdə başlayıb. O vaxtdan bəri bu iki dövlət arasında hərbi toqquşmalar da olub. Polşanın SSRİ tərəfindən işğalı, Katın qırğını və İkinci Dünya müharibəsi dövründəki hadisələrin izləri hələ də qalıb.

Hazırda isə Polşa sərhədlərində yaşanan gərginliyi öz milli təhlükəsizliyinə birbaşa təhdid sayır. Polşanın NATO üzvü olması onun hər hansı bir hücuma təkbaşına cavab verməyəcəyi deməkdir. Bu səbəbdən Rusiya da ehtiyatlı davranmağa məcburdur. Amma onu da nəzərə almaq lazımdır ki, Ukraynadakı konflikt Rusiyada NATO ilə savaş kimi yozulur. Bu səbəbdən Polşa da mümkün aqressiyadan sığortalanmayıb.

Ekspertlərin fikrincə, Kremlin Ukraynanı tam nəzarət altına almaq niyyəti Polşanı təhlükəyə yaxınlaşdırır. Ukraynanın qərb hissəsində Rusiyanın uğurlu əməliyyatları NATO-nun cənub-şərq sərhədlərinə təzyiq vasitəsi ola bilər. Polşa isə bu cəhdlərə qarşı sərt cavab verməyə hazır olduğunu bəyan edib.

Hazırkı geosiyasi vəziyyət göstərir ki, Polşa-Rusiya münasibətləri olduqca gərgin mərhələyə daxil olub. Tarixi düşmənçilik, hazırkı müharibə vəziyyəti və NATO-nun regiondakı rolu bu münasibətləri daha da mürəkkəbləşdirir.

Hərbi qarşıdurma ehtimalı tam istisna olunmasa da, bu, tərəflər üçün ağır nəticələrə səbəb ola biləcək bir ssenaridir. Ona görə də diplomatik kanalların açıq saxlanılması və gərginliyin idarə edilməsi regionun gələcəyi üçün həyati əhəmiyyət kəsb edir.