Rusiya Ordusu Donetski nəzarətə götürməyə yaxındır

“Rusiya Ordusu Dobropolye şəhərinə yaxınlaşır. Pokrovsk mühasirəyə alınıb”.

Bu sözlər “The Telegraph”da bölüşülən məqalədə yazılıb.

Qeyd olunub ki, Pokrovskun ələ keçirilməsi ilə Rusiya Donetskə nəzarət edə biləcək. Onsuz da Rusiya Prezidenti Vladimir Putinin Kiyevə irəli sürdüyü atəşkəs təkliflərində bu vilayətə iddiası əks olunub.

Rusiya müdafiə qüvvələrinin Pokrovsk rayonunda əsas təchizat yolu da demək olar ki, Rusiya hərbçilərinin nəzarətinə keçib.

“Burada avtomobildən istifadə etmək ölümlə razılaşmaq kimidir”, ‒ deyə əsgərlərdən biri “The Telegraph”a bildirib. Çünki Rusiya Ordusu PUA və müxtəlif tələlərlə yolu ölüm dərəsinə çevirib. Buna görə də Ukrayna hərbçiləri mövqelərinə piyada qayıtmalı olurlar. Qət edilən məsafə isə bəzən 20 kilometrə qədər uzanır.

Qeyd edək ki, Pokrovsk rayonunun Dobropolye şəhərinin sakinləri təxliyə edilir.