Rusiya Ordusu Ukraynada məqsədinə çatır? - "Trampa güzəşt olmayacaq"

“2025-ci ilin sonuna qədər Rusiya Ordusu Ukraynanın müdafiə xəttini yarıb, iddia etdiyi 4 regiona nəzarəti ələ keçirə bilər. Putin buna inanır”.

“Bloomberg”də paylaşılan yazı belə başlayır.

Yəni, Rusiya lideri atəşkəs danışıqları fonunda Ukrayna ilə bağlı hətta Trampa da hansısa əhəmiyyətli güzəştə getməyəcək. Halbuki ABŞ-nin sülh səyləri kuliminasiya nöqtəsinə çatıb.

Ağ Ev rəhbəri də bu yöndə Kremlə təzyiq göstərir. Donald Trampın barışıq cəhdləri uğursuzluqla nəticələnsə, ABŞ Rusiyaya qarşı başqa təzyiq metoduna keçəcək.

Rusiyadakı mənbələrin məlumatına görə, Putin atəşkəsdə maraqlı olmasa da, danışıqlar prosesinə etiraz etmir. Çünki döyüşlər dialoqa paralel aparılır.

Elə Almaniya kansleri, Fransa Prezidenti və Böyük Britaniyanın Baş naziri də Donald Trampı inandırmağa çalışırlar ki, Putin Ağ Evə öz mövqeyini sırıyır. Qeyri-bərabər şərtlərlə olan atəşkəs, yaxud sülh razılaşmaları Trampın Putin qarşısında məğlubiyyət riskini artırır. Putin üçün isə risk Trampın səbr kasasını daşdırıb, Amerikanın sanksiyaları ilə üzləşməkdir.