Rusiya Ordusundan sarsıdıcı zərbələr: 800-dən çox... | Bu vilayətlər “cəhənnəm”ə çevrildi - Baku TV

Rusiya Ordusu Ukraynanın Xarkov, Xerson, Odessa, Sumı və Zaporojye vilayətlərinə hücum edib. Nəticədə 1 nəfər həlak olub, 22 nəfər yaralanıb.

Vilayət hərbi administrasiyalarının rəhbərləri bu barədə məlumat verib.

Xarkov Vilayət Prokurorluğunun mətbuat xidmətinin məlumatına görə, gecə saatlarında Rusiyanın pilotsuz uçuş aparatları Xarkov və ətraf ərazilərə hücum edib. Nəticədə 8 nəfər xəsarət alıb. Xersona edilən hücumlar nəticəsində isə yeddi nəfərin yaralandığı bildirilib.

Odessa Vilayət Hərbi Administrasiyasının rəhbəri Oleq Kiperin sözlərinə görə, Rusiya qoşunları vilayətin cənubuna kütləvi hücum həyata keçirib. Nəticədə yanğınlar baş verib, mülki infrastruktura ziyan dəyib, iki nəfər xəsarət alıb.

Sumı Vilayət Hərbi Administrasiyasından bildirilib ki, Rusiya qoşunları regionun mülki infrastrukturuna hücum edib. Yanğınlar baş verib, bir nəfər həlak olub, iki nəfər isə yaralanıb.

Zaporojye Vilayət Hərbi Administrasiyasının rəhbəri İvan Fyodorovun verdiyi məlumata görə, sutka ərzində Rusiya qoşunları vilayətin 43 yaşayış məntəqəsinə 800 dəfədən çox atəş açıb, nəticədə üç nəfər xəsarət alıb.