Rusiya PUA ilə sərnişin avtobusuna hücum etdi
Avqustun 9-u səhər saatlarında Rusiya Silahlı Qüvvələri Ukraynanın Xerson vilayətində sərnişin avtobusuna PUA ilə hücum edib.
Bu barədə Xerson Vilayət Administrasiyası məlumat verib.
Bildirilib ki, hadisə nəticəsində azı 2 mülki şəxs həlak olub, 19 nəfər xəsarət alıb. Yaralılardan bəzilərinin ağır vəziyyətdə olduqları səbəbi ilə həlak olanların sayının artacağı ehtimal olunur.
Xerson Vilayət Prokurorluğundan bildirilib ki, Fövqəladə Hallar Nazirliyi, təcili tibbi yardım və polis əməkdaşları hadisə yerində xilasetmə əməliyyatları apardıqları zaman Rusiya Silahlı Qüvvələri eyni əraziyə ikinci dəfə atəş açıb, bir neçə polis əməkdaşı xəsarət alıb. Hadisə ilə bağlı araşdırmalara başlanılıb.
Baş nazir Yuliya Sviridenko Rusiyanın məqsədyönlü şəkildə mülki vətəndaşlara hücum etdiyini vurğulayıb və bu hərəkəti terrorizm adlandırıb.
Moskva meri Sergey Sobyanin isə “Telegram” kanalında paylaşım edərək bildirib ki, Hava Hücumundan Müdafiə qüvvələri şəhər ərazisində Ukrayna Silahlı Qüvvələri tərəfindən endirilən daha 1 PUA-nı məhv edib. Bu, gün ərzində sayca 3-cü PUA-dır.
#Xerson teqi istifadə olunub
- Yaşayış məntəqələrinə reaktiv silahlarla zərbələr endirildi
- Kiyev, Xerson və Lvov bombalandı
- Ukraynada sülhə "İstəklilər koalisiyası", yoxsa Tramp nail olacaq?
- Qan su yerinə axdı | Rusiya-Ukrayna müharibəsində dəhşət dolu gecə
- Rusiya Ordusu durmadan irəliləyir | Ukraynanın cənbunda gərginlik pik həddə
