Rusiya Sakit okean donanmasını əhəmiyyətli dərəcədə modernləşdirib | Pentaqon

Pentaqon Rusiya, Çin və Koreya Xalq Demokratik Respublikası arasında artan hərbi-texniki əməkdaşlığın Asiya-Sakit okean regionunda vəziyyəti çətinləşdirdiyini və ABŞ-nin təhlükəsizliyini təhdid etdiyini hesab edir.

Bu barədə ABŞ Silahlı Qüvvələrinin Hind-Sakit Okean Komandanlığının rəhbəri Samuel Paparo bildirib.

“Çin, Rusiya və Şimali Koreya arasında artan hərbi əməkdaşlıq Hind-Sakit Okean regionunda təhlükəsizlik problemlərini şiddətləndirmək və gücləndirmək, təhlükəsizliyi zəiflətmək, gərginliyi artırmaq və regionda mübahisələri dərinləşdirməklə təhdid edir”, ‒ deyə o bildirib.

S.Paparo həmçinin qeyd edib ki, Rusiya 2021-ci ildən bəri Sakit Okean Donanmasını əhəmiyyətli dərəcədə modernləşdirib, sualtı qayıqların sayını artırıb və Berinq dənizindəki əməliyyatlarının coğrafiyasını genişləndirib.