Rusiya üçün sarsıdıcı zərbə | Ukrayna Ordusu çıxılmaz vəziyyətdə qaldı

Rusiya-Ukrayna müharibəsi davam edir.

Ukrayna Silahlı Qüvvələrinin Baş Qərargahından verilən məlumata görə, sutka ərzində döyüşlərdə Rusiya Ordusunun 970 hərbçisi məhv edilib. Bundan başqa, Rusiya Ordusunun 5 tank və 118 texnikası sıradan çıxarılıb.

“Atlantic Counsil”də yayılan məlumata görə, döyüşlərin çoxu Pokrovsk istiqamətində qeydə alınır və həmin ərazidə Ukrayna Ordusu çətin vəziyyətə düşüb. Ukrayna Ordusunda şəxsi heyət çatışmazlığı Rusiya hərbçilərinin dərinliklərə irəliləməsinə şərait yaradır.

Bu arada, Sumı 5 dəfə atəşə tutulub. Mülki infrastrukturda partlayış səsləri eşidilib. Çoxmərtəbəli yaşayış binasının atəşə tutulması nəticəsində 2 nəfərin yaralandığı bildirilir. Hücumlar nəticəsində ümumilikdə 4 nəfər xəsarət alıb.

Ukrayna Ordusu da Rusiyanı PUA hücumuna məruz qoyub. Vladimir şəhərində elektrik stansiyasının hədəf alındığı bildirilir.

Rusiya Müdafiə Nazirliyinin məlumatına görə, gecə ərzində Ukraynaya məxsus 130 dron zərərsizləşdirilib. Hava hücumundan müdafiə sistemləri Kaluqada 31, Voronejdə 21, Bryanskda 10, Orlov səmasında isə 9 PUA-nı məhv edib. Ukraynanın digər dronları Tambov, Tula, Lipetsk, Yaroslavl, Rostov, Volqoqrad, Ryazan və Moskva səmasında vurulub.