Rusiya-Ukrayna arasında görülməmiş zərbə | Dağıntılar altındakı şəxsin möcüzəvi xilası

Rusiya Ordusu iyulun 31-də Ukraynaya 317 hava hücumu edib.

Hava hücumu vasitələrindən 200-ü zərərsizləşdirilib. Hücumlarda 309 PUA və 8 qanadlı raketdən istifadə olunub.

Zərbələrin çoxu Kiyevə endirilib. 7 nəfərin öldüyü bildirilir. Onlarla yaralı var.

Kiyevdə hava zərbəsinə məruz qalan yaşayış binasında axtarış-xilasetmə işləri davam etdirilir. Son məlumata görə, dağıntılar altından həyatda qalmağı bacaran kişi çıxarılıb. Ölü və yaralı sayının artacağı istisna olunmur.

Bundan başqa, Kiyevdə Ukrayna müsəlmanları idarəsinin əsas məscidi də Rusiyanın hücumuna məruz qalıb. Hava həyəcanı siqnalından sonra məsciddə insan qalmadığına görə ölən və yaralanan yoxdur.

Kiyevin bəzi rayonlarında dəmiryol xətlərinə də ziyan dəyib. Zaporojye də bombalanıb, Veselyanka kəndində iki nəfər xəsarət alıb.

Ukrayna Silahlı Qüvvələrinin məlumatına görə, son sutkada Rusiya Ordusu ilə 193 döyüş qeydə alınıb. Ən intensiv hərbi toqquşmalar Pokrovks və Kursk istiqamətində olub.