Pleyeri seçin:
Rusiya Ukrayna üzrə danışıqlar üçün Səudiyyə Ərəbistanına müraciət edə bilər
Rusiya Ukrayna münaqişəsi üzrə danışıqların keçirilməsi üçün zərurət yaranacağı halda Səudiyyə Ərəbistanına və ya digər regional tərəfdaşlara müraciət edə bilər.
“İzvestiya” qəzeti xəbər verir ki, bunu Rusiyanın xarici işlər nazirinin müavini Georgi Borisenko bildirib.
Diplomat qeyd edib ki, Rusiya tərəfi vasitəçilik xidmətləri ilə bağlı tərəfdaşların mütəmadi təkliflərinə görə minnətdardır.
Onun sözlərinə görə, belə ehtiyac yaranarsa, Moskva danışıqlar üçün platformanın təşkili məqsədilə mütləq tərəfdaşlara müraciət edəcək.
“Əlbəttə, istənilən variant mümkündür”, – deyə Borisenko vurğulayıb.
Məlumata görə, daha əvvəl Rusiya Prezidentinin mətbuat katibi Dmitri Peskov ABŞ-nin hazırda İran ətrafındakı vəziyyətə fokuslandığını və bunun Ukrayna üzrə dialoqda fasiləyə səbəb olduğunu bildirib. ABŞ Prezidenti Donald Tramp isə Vaşinqtonun Ukrayna münaqişəsinin tənzimlənməsi istiqamətində işini davam etdirdiyini qeyd edib.
Kopyalandı
#Rusiya XİN teqi istifadə olunub
- Moskva Vaşinqtonun mövqeyinin dəyişə biləcəyini düşünür - Baku TV
- Moskva hücumları genişləndirir, Qərb isə Kiyevi silahlandırır
- Rusiyadan Ermənistana etiraz notası | İrəvan seçim qarşısında - Baku TV
- Rusiyanın təhdidlərinə Ermənistan cavab verdi | Paşinyan yeni ittiham səsləndirdi - Baku TV
- Zaxarovadan Ukrayna Prezidentinə sərt sözlər - 24 SAAT
Seçilmişlər
