Rusiya Ukraynaya buna görə hücum etdi | Tramp Putinlə anlaşmasını etiraf etdi

“Rusiya Prezidenti Vladimir Putinlə onun üçün əlverişli olan istənilən vaxt görüşməyə hazıram”.

Bunu ABŞ Prezidenti Donald Tramp mətbuat konfransı zamanı bildirib.

O, Vladimir Putin Ukraynadakı müharibənin həlli üçün danışıqlara getməsə, ölkəsinə qarşı əlavə sanksiyalar tətbiq edilə biləсəyini istisna etməyib.

ABŞ lideri Rusiyanın Ukraynaya qarşı başlatdığı hərbi əməliyyatlardan da söz açıb:

“Rusiya heç vaxt Ukraynaya daxil olmazdı. Mənim Putinlə ciddi anlaşmam var idi. Bu gün yaşananlar heç vaxt baş verməzdi. Bunu anlamaq heç də çətin deyil, o, Baydenə hörmət etmir.

Putin ağıllıdır. 2020-ci il seçkilərindən sonra ABŞ-də hakimiyyətdə qalsaydım, Ukraynada münaqişə başlamayacaqdı. Biz Volodimir Zelenski ilə danışıqlar aparırıq. Tezliklə Prezident Putinlə də danışacağıq, görüşməyə hazırıq”.

Donald Tramp Kiyevə silah tədarükünün dayandırılması imkanlarının araşdırıldığını təsdiqləyib.