Rusiya Ukraynaya qarşı bu silahları işə saldı | Cavab zərbəsi görün necə nəticələndi

Rusiya dronlarla Ukraynaya hücum edib.

Çerniqov vilayət administrasiyasının sədri Vyaçeslav Çaus bildirib ki, Rusiyanın “Qeran 2” PUA-larının hücumu qeydə alınıb.

Çoxmərtəbəli binalar, məktəblər, mağaza, dayanacaqlar zədələnib. 4 nəfər yaralanıb və xəstəxanaya yerləşdirilib. Xarkova hücumlar isə bir nəfərin ölümünə, digər sakinin yaralanmasına gətirib çıxarıb.

“UNİAN”ın məlumatına görə, Odessa da hücumlar nəticəsində dağıntılara məruz qalıb, 4 nəfər yaralanıb.

TASS-da yayılan məlumatda isə bildirilib ki, Ukrayna 8 PUA ilə hücum həyata keçirib. Dronlardan 3-ü Krım, digərləri Kursk, Belqorod vilayətlərində və Azov dənizində vurulub.

Rusiya Donetskdə Ukraynanın mövqelərinə zərbələr edib. FAB 1500 bombaları ilə həyata keçirilən hücum nəticəsində Ukraynanın 20 hərbçisinin öldüyü bildirilir. Daha 10 nəfər yaralanıb.