Rusiyadakı terror hadisəsinin arxasında kimlər var?

"Crocus City Hall"da terror aktının arxasında ABŞ, Böyük Britaniya və Ukrayna dayanır".

Bunu Rusiya Federal Təhlükəsizlik Xidmətinin direktoru Aleksandr Bortnikov bildirib.

O, "Crocus City Hall"da baş verən terror aktından sonra cavab tədbirlərinin olacağına söz verib.

"Rusiya Federasiyasında terror təhlükəsi qalmaqdadır. Biz əvvəllər Kiyevin Moskva vilayətində törədilən terror aktında əli olması barədə məlumat almışdıq. Hesab edirik ki, Ukrayna Təhlükəsizlik Xidməti terror təşkilatı kimi tanınmalıdır. Bu, təkcə hesab etmək üçün yox, həm də müvafiq qərarlar qəbul etmək üçün əsasdır. Terror aktının hazırlanması ilə bağlı Vaşinqton tərəfindən ötürülən məlumatlar ümumi xarakter daşıyırdı və Rusiya xüsusi xidmət orqanları buna cavab verib", – o bildirib.

Federal Təhlükəsizlik Xidmətinin direktoru qeyd edib ki, Ukrayna Baş Kəşfiyyat İdarəsinin rəhbəri Kiril Budanov Rusiyaya qarşı cinayət törədən hər kəs kimi Rusiya Silahlı Qüvvələri üçün qanuni hədəfdir. A.Bortnikovun sözlərinə görə, "Crocus City Hall" terror aktı işində saxlanılan 11 nəfərlə fəal işləyirlər və müəyyən edilmiş yardımçıların dairəsi daha geniş olacaq. Əlavə edib ki, Ukraynanın Yaxın Şərqdə silahlılara təlim keçdiyi də məlumdur.

Aleksandr Bortnikovun sözlərinə görə, terror aktını islamçı radikallar hazırlayıb, onlara isə Ukrayna xüsusi xidmət orqanları yardım edib.