Rusiyanın BMT TŞ-də sədrliyində hansı məsələlər müzakirə olunacaq?

Rusiya Federasiyası iyulun 1-dən bir ay müddətinə BMT Təhlükəsizlik Şurasının sədri olub. Bu barədə yerli media məlumat yayıb.

Rusiyanın BMT-dəki daimi nümayəndəsi Vasili Nebenzyanın sözlərinə görə, ölkə sədrliyi dövründə üç əsas tədbir planlaşdırıb.

“Söhbət daha ədalətli, demokratik və davamlı dünya nizamının qurulması üçün çoxtərəfli əməkdaşlığa dair açıq müzakirələrdən gedir”, – deyə o bildirib.

Onun sözlərinə görə iclaslarda Rusiya tərəfi xüsusilə yeni qlobal “təhlükəsizlik tənlik” məsələsinə toxunacaq.

Tədbirin keçirilməsi iyulun 16-na planlaşdırılıb. İyulun 17-də Yaxın Şərq nizamlanması, 19-da isə BMT və regional təşkilatlar, yəni KTMT, MDB və ŞƏT arasında əməkdaşlığa dair məsələlərin müzakirəsi aparılacaq.