Rusiyanın bu əməllərinə göz yummasanız, heç kim susmayacaq! – Zelenski

“Hazırda biz kritik bir mərhələdəyik. ABŞ, avropalı müttəfiqlər və digər tərəfdaşlarla birlikdə Rusiyanın Ukraynaya qarşı apardığı müharibəni dayandıra biləcək addımları müəyyənləşdirmək və real təhlükəsizliyi təmin etmək üçün sıx əməkdaşlıq edirik”.

Bu sözləri Ukrayna Prezidenti Volodimir Zelenski söyləyib.

“Bizi gücləndirən, zəiflətməyən kompromislər axtarırıq. Bundan sonra da hamıya izah etməyə çalışacağıq ki, təcavüzü görməzdən gəlmək və bu yanaşmanın davam etdirmək nə qədər təhlükəlidir”, ‒ deyə Ukrayna lideri vurğulayıb.

Zelenski qeyd edib ki, Avropanın prinsiplərini dəstəkləmək həyati əhəmiyyət daşıyır:

“Çünki Avropa sərhədlərin zorla dəyişdirilməsi, müharibə cinayətlərinin ədalətdən qaça bilməməsi və təcavüzkarın başlatdığı müharibəyə görə tam cavab verməsini tələb edir. Məhz buna görə də Rusiyanın dondurulmuş aktivləri ilə bağlı qərarlar vacibdir”.

Stokholmda 70 ölkənin parlament nümayəndələrinin iştirak etdiyini deyən Zelenski əlavə edib: “Əgər Avropadakı və dünyadakı parlamentlər Rusiyanın cinayətlərinə göz yummasa, onda heç kim buna susmayacaq. Dəstəyiniz üçün təşəkkür edirəm. Yaşasın, Ukrayna”.