Rusiyanın müharibədən qalib kimi çıxması... | Dünyanı hansı nəticələr gözləyir?

06 mart 2025 545 baxış

Böyük Britaniyanın keçmiş müdafiə naziri Qrant Şapps Tramp administrasiyasının Ukraynaya hərbi yardımı dayandırmaq qərarını faciəvi adlandırıb və bunun qlobal mənfi nəticələrə səbəb ola biləcəyini deyib.

Q.Şapps bu barədə “X” hesabında paylaşım edib.

“Azadlar evi” adlanan ABŞ-nin diktator Putinlə eyni tərəfdə olması faciəvidir. Bu, ABŞ-nin dünyadakı mövqelərini zəiflədir, Ukraynanın suverenliyini sarsıdır və dünyadakı digər aqressorlara cəsarət verir”, – Q.Şapps bildirib.

O, Rusiyanın qalib kimi çıxacağı hər hansı “sülh” ssenarisinin təhlükəli olduğunu qeyd edib və Ukraynanın müəyyən ərazilərini itirmək məcburiyyətində qalacağı halda bu prosesin NATO-ya sürətli üzvlüklə kompensasiya edilməli olduğunu vurğulayıb.

Qeyd edək ki, Qrant Şapps 2023-2024-cü illərdə Britaniyada Rişi Sunak hökumətində müdafiə naziri vəzifəsini icra edib.

#Rusiya-Ukrayna müharibəsi