Rusiyaya görə özündən çıxan fəallar "Makron"a qənim kəsildi

Fransanın ən böyük mum muzeyi olan Qrevindən ölkə prezidenti Emmanuel Makronun heykəli oğurlanıb.

Muzey işçilərinin geyimində olan iki qadın və bir kişi heykəli götürüb yorğana bükərək qəza çıxışından binanı tərk ediblər. Daha sonra naməlum şəxs telefon vasitəsilə muzeylə əlaqə saxlayaraq özünü “Greenpeace” beynəlxalq təşkilatının fəalı kimi təqdim edib və hadisəyə görə məsuliyyəti üzərinə götürüb.

Bunu Fransanın Rusiya ilə davam edən ticarətinə etiraz olaraq etdiklərini bildirən fəallar mum heykəllə Rusiyanın Parisdəki səfirliyinin önündə nümayiş keçiriblər.

Təşkilatın ölkə üzrə rəhbəri Jan Fransiz Juliard Fransanın 2024-cü ildə Rusiyadan gələn maye təbii qazın ən çox idxalçısı olduğunu, həmçinin kimyəvi gübrə və uran aldığını söyləyib.

Nümayişçilər heykəli Parisin Qrevin Muzeyindən “icazəsiz borc alındıqları”nı bildiriblər.

Muzey rəhbərliyi oğurluq hadisəsi ilə bağlı dərhal polisə məlumat verib.

Heykəlin dəyərinin təxminən 40 min avro olduğu ehtimal edilir.