Rusiyaya işləməyə gedənlərə bəd xəbər | Patruşevdən təcili açıqlama

Rusiyanın şimal-qərbində qeyri-qanuni miqrasiyaya qarşı mübarizə gücləndirilməlidir.

Bunu Rusiya Təhlükəsizlik Şurasının katibi Nikolay Patruşev Arxangelskdə keçirdiyi müşavirədə deyib.

Bildirib ki, Rusiyada miqrantların “etnik anklavlar” yaratmaq cəhdlərini dayandırmaq lazımdır.

Onun sözlərinə görə, bu hal terrorizm və ekstremizm üçün baza olaraq qalır:

“Miqrasiya sahəsində çoxsaylı qanun pozuntularını, o cümlədən təxribatla məşğul olan şəxslərin əmək miqrantları və məcburi köçkün adı altında ölkə ərazisinə soxulmaq hallarını nəzərə alaraq bu istiqamətdə səyləri gücləndirməyinizi xahiş edirəm. Əcnəbi vətəndaşların qeyri-qanuni əmək fəaliyyətinə son qoymaq, miqrantlar arasında qanunsuz hərəkətlərə meyilli şəxsləri operativ şəkildə müəyyən etmək lazımdır”.

Qeyd edək ki, Moskva vilayətində “Crocus City Hall” konsert kompleksində baş vermiş terror aktından sonra Rusiya dövlət qurumları miqrant axınına nəzarətin sərtləşdirilməsi istiqamətində işləri sürətləndirib. Bununla bağlı artıq qanun layihəsi belə hazırlanıb.