Sakinlərə pul ayrılır ki... | Elektronika məhsulları barədə böyük dəstəyin səbəbi

Çin yeni subsidiya proqramına start verir.

Belə ki, yeni elektronikanın alınması üçün Pekin sakinlərinə dövlət tərəfindən pul ayrılacaq. Bununla ölkə artan xarici iqtisadi risklərin qarşısını almaq istəyir.

Dövlət istiqrazları hesabına maliyyələşdirilən proqram smartfonlar, planşetlər, smart saatlar və bilərziklər daxil olmaqla mövcud ticarət proqramını genişləndirəcək.

Sənaye avadanlıqlarının mübadiləsi və təkmilləşdirilməsi proqramını dəstəkləmək üçün Çin 2025-ci ildə uzunmüddətli dövlət istiqrazlarının buraxılışını əhəmiyyətli dərəcədə artıracaq. Vəsaitlərin bölüşdürülməsi zamanı ötən il ən yaxşı nəticə göstərən rayonlara üstünlük veriləcək.

Bundan əlavə, müəssisələrin yükünü azaltmaq üçün subsidiyaların alınması prosedurunun sadələşdirilməsi və vəsaitlərin istifadəsinə nəzarətin gücləndirilməsi nəzərdə tutulur. Avqustun sonuna qədər hökumət məişət texnikası və elektrik avtomobillərinin alınmasına subsidiya vermək üçün yerli qurumlara artıq 150 milyard yuan, təxminən 20 milyard dollar ayırıb.

Bu addım səhm və daşınmaz əmlak qiymətlərinin düşməsi fonunda Çinin iqtisadi dirçəlməsinə mane olan zəifləmiş daxili tələbatı dəstəkləməyə hesablanıb.

Yeni subsidiyaların hansı formada olacağı hələ məlum deyil. Bunun alıcılar üçün pul kompensasiyası olacağı, yaxud satıcılar tərəfindən məhsulların son maya dəyərinə daxil edilib-edilməyəcəyi bilinmir.