Seçicilərin Trampa üstünlük verməsinin əsas səbəbi | Elə şeylər üzə çıxdı ki…

ABŞ-nin NATO-dakı keçmiş daimi nümayəndəsi (2009-2013) İvo Daalder hesab edir ki, respublikaçı Donald Trampın prezident seçkilərində qələbəsi ilə “Amerikasayağı sülh” dövrü başa çatıb.

Onun sözlərini “Politico” nəşri sitat gətirib.

Nəşr qeyd edir ki, yaxın günlərdə Limada (Peru) keçiriləcək Asiya-Sakit okean İqtisadi Əməkdaşlıq Təşkilatının (APEC) və Rio-de-Janeyroda keçiriləcək G-20 sammitlərində iştirak edəcək Cozef Baydenin populyar olmaması seçicilərin vitse-prezident Kamala Harrisə yox, Donald Trampa üstünlük vermələrinin əsas səbəbi olub.

“Politico” yazır ki, iki zirvədə iştirak edən digər dünya liderləri C.Baydenə deyil, onun varisinin həyata keçirəcəyi siyasətə necə uyğunlaşacaqlarına diqqət yetirəcəklər.

İ.Daalderin fikrincə, dünya liderləri düşünürlər ki, ənənəvi siyasi xətdən sapıntı D.Trampın 2017-2021-ci illərdəki ilk prezidentliyi dövründə olub, ancaq özü bu sapıntının C.Baydenlə bağlı olduğunu və Amerikanın əsaslı dəyişikliklərə məruz qaldığını düşünür. “Bu, dünyanın sonu, Amerika üslubudur. Hər şey bitib”, – deyə İ.Daalder vurğulayıb.

Qəzet yazır ki, Birləşmiş Ştatlardakı seçicilər bu seçimləri ilə C.Baydenin partiyasının NATO-nu gücləndirmək, beynəlxalq ittifaqlar qurmaq və Ukraynanı dəstəkləmək dəstəyini rədd ediblər.

“Politico” hesab edir ki, G20 sammitində Yaxın Şərq böhranı və Ukrayna münaqişəsini müzakirə edərkən dünya liderləri ABŞ-nin cari siyasətinə deyil, onun necə dəyişə biləcəyinə diqqət yetirəcəklər.