SEPAH-a qarşı sui-qəsd | İran SEPAH-ın zabitlərini qətlə yetirəni axtarır

SEPAH-ın iki zabiti Sistan və Bəlucistan əyalətinin cənub-şərqində naməlum şəxslər tərəfindən qətlə yetirilib.

İslam İnqilabı Keşikçiləri Korpusu bu hücumu sərt tənqid edərək qorxaq və xaincəsinə bir addım adlandırıb.

"Kor və qorxaq bir hərəkətlə naməlum silahlı basqınçılar Zahedan-Bam dəmir yolu marşrutu üzərindəki mühafizə postumuza atəş açıb”, – deyə məlumatda qeyd olunub.

Bildirilib ki, hadisə nəticəsində həlak olan zabitlər bölgədən olan Məhəmməd-Ənvar Qomşadzehi və Abdolhossein Baluchdur.

SEPAH-ın daha bir hərbçisi isə İranın Səravan sərhəd bölgəsində mina partlaması nəticəsində həlak olub. Ölən zabitin Cavad Əl-Əyyimə briqadasından olan polkovnik Seyid Murtaza Hüseyni olduğu bildirilir.

Yerli medianın yaydığı xəbərə görə, hadisə nəticəsində daha 3 hərbçi yaralanıb.