SEPAH-ın hərbi bazalarına hücum edildi | İranda gərgin vəziyyət

İranda polis məntəqələrinə və hərbi bazalara hücum edilib. Hadisə Sistan və Bəlucistan əyalətlərində baş verib.

Məlumata görə, silahlı hücum əyalətin Sərbaz, Rask və Çabahar şəhərlərində qeydə alınıb.

Törədilən terror aktlarında 5 terrorçu zərərsizləşdirilib, 5 təhlükəsizlik qüvvəsi isə həlak olub. Ölənlər arasında Çabahar şəhərinin polis bölməsinin rəis müavini də var.

Hazırda qarşıdurmalar davam edir və terrorçular təhlükəsizlik qüvvələri tərəfindən tamamilə mühasirəyə alınıb.

Hücumu “Ceyş əl-Ədl” qruplaşmasının təşkil etdiyi bildirilir. Onlar əyalətin Rask və Çebahar şəhərlərində SEPAH-ın bazalarını ələ keçirməyə cəhd ediblər.