SEPAH-ın planı pozuldu | ABŞ ələ keçirdiyi silahları Ukraynaya verdi

ABŞ husilərdən müsadirə etdiyi atıcı silahları, qumbaraatanları və sursatları Ukraynaya təhvil verib.

Ölkənin Mərkəzi Komandanlığının yaydığı məlumata görə, rəsmi Kiyevə 5 mindən çox AK-47 avtomatı, pulemyot, snayper tüfəngi, RPQ-7 qumbaraatanları, həmçinin yarım milyondan çox patron verib.

Qurum ələ keçirilən silah-sursatın bir briqadanı təchiz etməyə kifayət etdiyini vurğulayıb.

Sözügedən texnika 2021-ci ilin yazından 2023-cü ilin əvvəlinə qədər 4 tranzit gəmidən müsadirə edilib.