Pleyeri seçin:
Serbiya Kuşnerin layihədən imtinası səbəbi ilə 750 milyon avro itirib
Serbiya ABŞ Prezidenti Donald Trampın kürəkəni Cared Kuşnerin Belqradda "Trump Tower" hotelinin tikintisi layihəsindən imtina etməsi səbəbindən təxminən 750 milyon avro həcmində potensial investisiyanı itirib.
Bunu Serbiya Prezidenti Aleksandar Vuçiç "Politika" qəzetinə açıqlamasında deyib.
Dövlət başçısı sövdələşmənin baş tutmamasında rolu olan şəxslərə qarşı cinayət işi başlanmasına şəxsən təşəbbüs edəcəyini bildirib.
"Polis, prokurorluq və bu layihənin pozulmasına, eləcə də ölkənin iqtisadi zərər görməsinə töhfə verən digər şəxslər barəsində ittihamlar irəli sürüləcək", – deyə A.Vuçiç vurğulayıb.
Qeyd edək ki, daha əvvəl "The Wall Street Journal" Cared Kuşnerin Belqradda Yuqoslaviya Baş Qərargahının dağıdılmış binasının yerində hotel tikintisi ideyasından imtina etdiyini yazmışdı.
Kopyalandı
Seçilmişlər
