Si Cinpindən region ölkələri ilə bağlı mühüm açıqlama | Ukraynada müharibənin genişlənməsinə...

“Ukraynada müharibənin arealının genişlənməsinə, eləcə də humanitar vəziyyətin ağırlaşmasına imkan verilməməlidir”.

Bunu Çin Sədri Si Cinpin BRICS ölkələrinin Kazan sammitində bildirib.

Çinin lideri əlavə edib ki, maraqlı tərəflər regionda de-eskalasiya üçün səyləri artırmalıdır. O, eyni zamanda mümkün müharibələrin qarşısını almaq üçün ümumi təhlükəsizlik konsepsiyasının vacibliyini vurğulayıb.

Si Cinpinin sözlərinə görə, Afrika, Latın Amerikası, Karib hövzəsi və bir sıra Asiya dövlətlərinin dünya siyasətinə təsirinin artırılması üçün tədbirlər görülməlidir.

Qeyd edək ki, Rusiya Prezidentinin beynəlxalq məsələlər üzrə köməkçisi Yuri Uşakov bildirib ki, birlik tərəfdaş dövlət üçün vacib meyarlar barədə razılığa gəlib və BRICS-in gələcək genişlənməsi bu filtrdən keçəcək. Qeyd edib ki, 13 dövlətdən ibarət siyahı razılaşdırılıb.

“Hələlik biz bu ölkələrin adlarını dərc etməmək qərarına gəlmişik, çünki onlarla ya BRICS-ə tamhüquqlu üzvlüyə, ya da hansısa müvafiq formada qoşulmağa hazır olmaları barədə danışmalıyıq”, – deyə Y.Uşakov əlavə edib.