Si Cinpinlə Mişustinin görüşündə nələr müzakirə edildi?

“Rusiya və Çin qarşılıqlı investisiyalar üçün münbit şəraitin formalaşdırılmasına davam edəcək”.

Bunu Rusiyanın Baş naziri Mixail Mişustin Çin Xalq Respublikasının sədri Si Cinpinlə görüşdə deyib.

Pekində aparılan müzakirələr zamanı 30-cu hökumətlərarası görüşdən də sitat gətirən Mişustin diqqətə çatdırıb ki, ticari-iqtisadi əməkdaşlıq möhkəmləndirilməlidir. Bunun üçün isə bəzi tapşırıqları yerinə yetirmək lazımdır.

Çin Xalq Respublikasının sədri Si Cinpin bildirib ki, Moskva ilə Pekin arasında olan dayanıqlı strateji təmaslar müttəfiqliyin stabil inkişafının sığortasıdır.

Onun sözlərinə görə, xarici təsirlər də Pekinlə Moskva arasındakı tərəfdaşlığı sarsıtmayıb.

Qeyd edək ki, danışıqların yekununa dair birgə kommunike qəbul olunub. Siyasi və iqtisadi razılaşmalar da buna daxildir. Həmçinin II Dünya müharibəsinin nəticələrinə yenidən baxılması və tarixin saxtalaşdırılmasına qarşı tədbirlər də kommunikedə əks olunub. Ümumilikdə müzakirələrin sonunda 15 razılaşma əldə olunub.