Son dəqiqə: Qəzzada atəşkəs elan olunub?

Qəzza zolağının cənubunda müvəqqəti atəşkəs elan olunub.

Bu barədə yerli KİV məlumat yayıb. Bildirilib ki, bu addım əcnəbi vətəndaşların bölgədən çıxışını təmin etmək, eləcə də Qəzzaya humanitar yardım çatdırılmasına şərait yaratmaq məqsədilə atılıb. Məlumatda atəşkəsin 5 saat davam edəcəyi qeyd olunub.

Eyni zamanda bu xəbərlər yayılandan bir neçə saat sonra rəsmi Təl-Əviv Qəzzanın cənubunda müvəqqəti atəşkəsin elan olunması barədə yayılan informasiyanı təkzib edib. Bu barədə ölkənin Baş naziri Benyamin Netanyahunun ofisindən bildirilib.

Qeyd edilib ki, atəşkəsin elan olunması barədə tərəflər arasında hər hansı razılıq əldə olunmayıb.