Şoyqu Rusiyanın düşmənlərini hədələdi
“ABŞ-nin Kiyevi kasetli bombalarla təmin etməsinin mülki əhali üçün yarada biləcəyi fəsadlar hamıya məlumdur. ABŞ rəsmiləri əvvəllər dəfələrlə qeyd ediblər ki, müharibədə bu bombalardan istifadə hərbi cinayətdir. Lakin hazırda rəsmi Vaşinqton və onun tərəfdaşları Ukraynada bu cinayəti törədirlər. Humanitar təşkilatlar isə təbii ki, onları qınamır”.
Bunu Rusiyanın müdafiə naziri, ordu generalı Sergey Şoyqu Moskvada keçirilən Beynəlxalq Təhlükəsizlik Konfransında çıxışı zamanı deyib.
S.Şoyqu bildirib ki, Ukrayna tərəfindən beynəlxalq humanitar hüquq və normalarının pozulması Rusiyanın kaset bombalarından istifadə ilə bağlı qərara yenidən baxmasını aktuallaşdırıb:
“Nəzərinizə çatdırmaq istəyərdim ki, Rusiyanın da kasetli bombaları var. İndiyədək humanitar səbəblərə görə onlardan istifadə etməkdən çəkinmişik. Lakin bu qərara yenidən baxıla bilər”.