SSRİ-nin dağılmağını bildi, indi də Qərbin dağılacağını dedi

“Qərb dağılacaq, Rusiya isə ayağa qalxacaq”.

Bu sözləri 1970-ci illərdə SSRİ-nin dağılacağını proqnozlaşdıran tanınmış fransız sosioloq Emmanuel Tod “Le Fiqaro”ya müsahibəsində deyib.

O bildirib ki, bu qənaətə gəlməyinin 3 səbəbi var:

“ABŞ-də sənayenin və təhsilin tənəzzülü, Qərb cəmiyyətində bir dəyər sistemi kimi protestantlığın yoxa çıxması və Rusiyanın dünyanın qalan hissəsi qarşısında artan cəlbediciliyi”.

Onun sözlərinə görə, Moskvanın yeni mühafizəkar “yumşaq gücü” Qərb əxlaqından fərqli olaraq getdikcə populyarlıq qazanır:

“Rusiya iqtisadiyyatının sanksiyaların şokuna tab gətirməsi isə Rusiya modelini daha da cəlbedici edir. Qərbdə Rusiya haqqında deyilənlər çox vaxt doğru deyil: o, tənəzzülə uğrayan ölkə kimi təqdim olunur, onun sürətlə bərpa və yenidənqurma mərhələsində olduğuna diqqət yetirmirlər.

Eyni zamanda, ola bilsin ki, Rusiya sistemini gücləndirən, vətənpərvərlik və milli birliyi qidalandıran məhz Qərbin düşmənçiliyidir. Beləliklə, sanksiyalar Rusiyaya genişmiqyaslı idxalı əvəzetmə siyasətinə başlamağa imkan verdi ki, bu da onların iqtisadiyyatına AB iqtisadiyyatı üzərində əhəmiyyətli üstünlük verəcək”.