Sui-qəsd cəhdi Trampın işinə yaradı | Eks-prezidentdən güldürən paylaşım

Sabiq ABŞ prezidenti Donald Tramp maraqlı paylaşım edib.

Prezidentliyə namizəd sosial şəbəkə hesabında sui-qəsdə məruz qaldığı kampaniyada çəkdirdiyi foto ilə C.Baydenin təyyarənin pilləkənlərindən yıxılmasını əks etdirən görüntünü yanaşı qoyub. Sözügedən paylaşım müzakirələrə səbəb olub.

Qeyd edək ki, hücumdan sonra Donald Trampın reytinq göstəriciləri daha da artıb. Bunun fonunda Cozef Baydenə isə daha çox təzyiq edilib. Hazırkı ölkə prezidentinin “COVİD-19”a yoluxması da insanlarda ona qarşı olan inamın daha da azalmasına səbəb olub. Əgər səhhəti ilə bağlı problemlər yaranarsa, prezidentliyə namizədliyini geri götürəcəyini vurğulayan C/Bayden artıq vaksinasiya olunub. Lakin xəstəliyi səbəbindən o, bütün planlarını təxirə salmaq məcburiyyətində qalıb.