Dünya
Pleyeri seçin:
Suriya dövlətinin adı dəyişdirilir? | Hakan Fidandan açıqlama
“Suriyanın yeni hakimiyyətinin lideri Əhməd əl-Şəraa məsuliyyətini anlayır”.
Bunu Türkiyənin xarici işlər naziri Hakan Fidan “CNN Türk”ə müsahibəsində deyib.
O bildirib ki, Suriya ilə bağlı rəsmi Ankaranın iki əsas məsələsi var:
“Bunlardan birincisi suriyalı qardaşlarımızın vəziyyətidir. İkincisi isə PKK-nın varlığına son qoyulmasıdır. Suriyaya səfərim zamanı bu məsələləri müzakirə etdik. Əhməd əl-Şəraa rasional siyasətçidir. Ona ümidim var”.
Hakan Fidan qeyd edib ki, Suriya dövlətinin adı bundan sonra da Suriya Ərəb Respublikası olaraq qalacaq. Nazirin sözlərinə görə, Suriya üçün bir nömrəli prioritet vəzifə ən qısa zamanda həm xalqa xidmət edəcək, həm də beynəlxalq əlaqələri quracaq hökumətin yaradılmasıdır.
“Əsas məsələlərdən biri də ölkənin bərpasıdır. Ciddi addımların atılmasına ehtiyac var”, – deyə Hakan Fidan əlavə edib.
Kopyalandı
Seçilmişlər
