Suriya təcili hərəkətə keçdi | “Savaşın bundan başqa məqsədi yoxdur!”

Suriyanın Əs-Süveyda şəhərində bədəvi-druz silahlı toqquşmasından sonra yaranan gərginlik davam edir.

Belə ki, İsrail Ordusu Suriyaya aviazərbələr endirib.

İyulun 16-da Suriyanın paytaxtı Dəməşq də atəşə tutulub. Zərbələr nəticəsində Müdafiə Nazirliyinin binasının bir hissəsi dağılıb.

Prezident iqamətgahının yaxınlığındakı ərazi də hədəf alınıb.

“Əvvəlki rejim süquta uğradıldıqdan sonra İsrail Suriyada stabilliyi pozmaq istəyir. Onlar bizim müqəddəs torpağımızda xaos yaratmaq niyyətindədirlər. Bu savaşın başqa məqsədi ola bilməz. Suriya xarici təxribatların poliqonu deyil, uşaq və qadınların öldürülməsi ilə kimsə burada məqsədinə çatmayacaq. Druzlara görə İsraillə açıq müharibə regionun stabilliyinə təhdiddir. Amma biz savaşdan qorxmuruq”, ‒ deyə Suriyanın keçid dövrü prezidenti Əhməd Əl Şaraa vurğulayıb.

Əl Şaraa bildirib ki, Əl-Süveyda şəhərinin təhlükəsizliyi bəzi yerli qruplaşma və şeyxlərə tapşırılıb. Bu qərar bölgədə vəziyyətin daha da gərginləşməməsi üçün verilib.