Suriya xalqı bunlar olmadan yaşaya bilməz | Baş nazirdən sensasiyalı açıqlama
Suriya keçid hökumətinin Baş naziri Məhəmməd əl-Bəşir qarşıya qoyduqları hədəfləri açıqlayıb.
Bu barədə Türkiyə mediası məlumat yayıb.
“Birincisi, Suriyanın bütün şəhərlərində təhlükəsizliyin və sabitliyin bərqərar olunmasıdır. İnsanlar haqsızlıqdan, zülmdən tükənib. Hakimiyyət yenidən qurulmalıdır ki, insanlar öz işlərinə və normal həyata qayıda bilsinlər.
İkincisi, xaricə gedən milyonlarla suriyalını geri qaytarmaqdır. Onların insan kapitalı və təcrübəsi ölkənin inkişafını təmin edəcək. Xaricdəki bütün suriyalılara çağırış edirəm: Suriya indi öz qürurunu və şərəfini qazanmış azad bir ölkədir. Geri qayıdın. Biz yenidən qurulmalıyıq, yenidən doğulmalıyıq və hər kəsin köməyinə ehtiyacımız var”, – Baş nazir deyib.
Üçüncü hədəflərinin strateji planlaşdırma olduğunu bildirən Məhəmməd əl-Bəşir suriyalıların elektrik, çörək və su kimi əsas xidmətlər olmadan yaşaya bilməyəcəklərini vurğulayıb:
“Biz keçid hökumətiyik, lakin bu mövzuda işə başlamalıyıq. Hələb, Həma və Dəməşqə girdiyimizdə suriyalılar ikiqat qaranlıqda yaşayırdı: rejimin qaranlığı və elektrik verilişinin fasiləsi zamanı yaranmış qaranlıq. Bu, tamamilə qəbuledilməzdir”.
Baş nazir eyni zamanda vurğulayıb ki, Suriyanın iqtisadi vəziyyəti çox ağırdır:
“Dövlət büdcəsində sadəcə dəyəri olmayan Suriya lirəsi var. Xarici valyutamız yoxdur, kreditlərə və istiqrazlara gəlincə isə biz hələ də məlumat toplayırıq. Yəni maddi cəhətdən çox pisik. Borc, çətinliklər çox böyükdür, lakin bizim uğur qazandığımız İdlib təcrübəmiz var. Suriyanı inkişaf etdirə bilərik. Bu, vaxt aparacaq, amma buna nail olacağıq”.
#Suriya teqi istifadə olunub
- ABŞ Senatının Xarici Əlaqələr Komitəsindən Suriyaya vacib mesaj
- Ərdoğandan Bəşər Əsədin devrilməsinin ildönümü ilə əlaqədar diqqətçəkən açıqlama - Baku TV
- Suriyada Bəşər Əsədin devrilməsindən bir il ötür - Baku TV
- Yaponiya nəşrinin Əsəd rejiminin devrilməsinin birinci ildönümü ilə bağlı məqaləsi
- Şaraa yenidən inqilabçı formasını geyindi
