Tehrandan Vaşinqtona kritik mesaj | İranın yeni xəbərdarlığı nəyə hesablanıb? - Baku TV

Vaşinqtonun Tehrana qarşı iqtisadi təzyiq siyasəti İran hərbçilərinin Hörmüz boğazının bütün ərazisini tam blokadaya almasına səbəb ola bilər.

Bu barədə İranın Ali Milli Təhlükəsizlik Şurasının katibi Möhsün Rezai bildirib.

O əlavə edib ki, son günlər Vaşinqtona İranın yeni raketləri ilə bağlı açıq xəbərdarlıq edilib:

"İqtisadi müharibəyə Fars körfəzi vasitəsilə blokada perimetrinə qədər uzanan dənizdən təcrid zonası ilə cavab veriləcək. ABŞ gəmiləri və bazaları ilə bağlı əməliyyat strategiyası köklü şəkildə yenidən nəzərdən keçirilib".

İranın Xarici İşlər Nazirliyindən bildirilib ki, Tehran ABŞ tərəfindən tətbiq olunan dəniz blokadası və sanksiyalarla əlaqədar öz maraqlarını qorumaq üçün tədbirlər görmək hüququna malikdir.

"Avqust ayında Vaşinqton "İqtisadi Miskin" əməliyyatına başlayıb. Əməliyyatın məqsədi Tehranın maliyyə təcridini gücləndirmək və onu münaqişədə güzəştə getməyə məcbur etməkdir", – deyə nazirliyin açıqlamasında vurğulanıb.

Qeyd edək ki, sentyabrın əvvəlində ABŞ-nin maliyyə naziri Skott Bessent Avropa İttifaqının İrana qarşı iqtisadi təzyiq kampaniyasına qoşulduğunu açıqlayıb.