Dünya
Pleyeri seçin:
Təl-Əviv Tehranla bağlı bu məsələni təsdiqlədi | İran XİN bəyanat yaydı
İsrailin gecə saatlarında İrana hücumu zamanı iki hərbçisi həlak olub.
Bu barədə İran KİV məlumat yayıb.
İran Ordusunun məlumatına görə, İsrail Tehranda, eləcə də Xuzistan və İlam əyalətlərində bir neçə hərbi mərkəzə zərbələr endirib. İsrail Müdafiə Ordusu da öz növbəsində İranın hərbi obyektlərinə zərbələr endirdiyini təsdiqləyib.
Qeyd edək ki, İran İslam Respublikasının Xarici İşlər Nazirliyi bəyanat yayaraq bildirib ki, İran BMT Nizamnaməsinə əsaslanaraq İsrailin İrana zərbəsinə cavab verməyi özünə borc bilir:
“İran İslam Respublikasının Xarici İşlər Nazirliyi sionist rejimin İrandakı hərbi mərkəzlərə qarşı təcavüzkar hərəkətlərini qətiyyətlə pisləyir, onları beynəlxalq hüququn və BMT Nizamnaməsinin, xüsusilə də digər ölkələrin ərazi bütövlüyünə, yaxud siyasi müstəqilliyinə qarşı güc tətbiq etməkdən və ya güc tətbiq etmək təhdidindən çəkinmək prinsipinin açıq pozulması hesab edir”.
Kopyalandı
Seçilmişlər
