Təşkilat Öcalanın müraciətinə əməl edəcək? | Detallar açıqlandı

PKK terror təşkilatı atəşkəs elan etdiyini açıqlayıb.

“Report” “Haber Global”a istinadən xəbər verir ki, təşkilat həbsdə olan Abdullah Öcalanın müraciətinə əməl ediləcəyini bildirib.

Qeyd edək ki, fevralın 27-də DEM Partiyasının rəhbərliyi İmralı adasında A.Öcalanla danışıqlar aparıb. Danışıqlardan sonra İstanbulda təşkil edilən mətbuat konfransında A.Öcalanın müraciətini DEM Partiyasının rəhbərliyində təmsil olunan Ahmet Türk kürdcə, Pervin Buldan isə türk dilində oxuyub. A.Öcalanın adından yayılan yazılı müraciətdə “silahı yerə qoyun” çağırışı yer alıb.

Xatırladaq ki, PKK lideri Abdullah Öcalan 26 ildir İmralı həbsxanasında saxlanılır. O, 1999-cu ilin fevralında Milli Kəşfiyyat Təşkilatının əməliyyatı nəticəsində Keniyada saxlanılıb və Türkiyəyə gətirilib. A.Öcalan ölüm cəzasına məhkum edilsə də, hökm sonradan ömürlük həbs cəzası ilə əvəzlənib.