Tramp İrana endirilən zərbələrdən danışdı | Danışıqlar bərpa olunacaq? - Baku TV
ABŞ Prezidenti Donald Tramp iddia edib ki, ABŞ və İsrailin İrana hücumu qarşıdakı həftələrdə nüvə silahı hazırlamaq təhlükəsi ilə bağlıdır.
Bu barədə Ağ Ev rəhbəri "Fox News"a İrana qarşı əməliyyatı şərh edərkən bildirib.
"Əgər biz bunu etməsəydik, iki həftə ərzində nüvə başlığına sahib olacaqdılar. Sonra bunların heç biri mümkün olmazdı", – deyə ABŞ Prezidenti bildirib.
Donald Tramp İran liderinin bir anda məhv edilməsi əməliyyatının uğurlu olduğunu elan edib.
"Heç kim bizim uğurumuza inana bilməz, çünki 48 lider bir anda yoxa çıxdı", – deyə Ağ Ev rəhbəri bildirib.
Onun sözlərinə görə, ABŞ-nin İrandakı əməliyyatı qrafiki qabaqlayır. Tramp həmçinin vurğulayıb ki, ABŞ bu işi təkcə özü üçün deyil, bütün dünya üçün görür.
ABŞ Prezidenti İranın yeni rəhbərliyinin Vaşinqtonla danışıqlara başladığını da iddia edib.
"Onlar danışmaq istəyirlər və mən də danışmağa razı oldum, ona görə də onlarla əlaqə saxlayacağam. Bunu daha əvvəl etməli idilər. Çox praktik və asan bir şey etməli idilər. Çox gözlədilər", – deyə Tramp bildirib.
Prezident qeyd edib ki, əməliyyat başladıqdan sonra İranın hazırkı rəhbərliyi özü əlaqə qurmaq təşəbbüsünü göstərib.
#ABŞ teqi istifadə olunub
- İrana məxsus 9 gəmi məhv edilib | Tehran və Vaşinqton arasında gərginlik artır - Baku TV
- Britaniya ABŞ-yə hərbi bazalarından istifadəyə icazə verdi? | Londonun məqsədi nədir? - Baku TV
- İrana məxsus məhv edilən PUA və raketlərin sayı açıqlandı - Baku TV
- Tehran müharibədə həlledici subyektləri vura bilib? - Baku TV
- İrana qarşı əməliyyatlar nə vaxtadək davam edəcək? - Baku TV
