Tramp Putinin İstanbula getməməsini şərh etdi | Hakan Fidandan danışıqlar barədə açıqlama

15 may 2025 331 baxış

Ağ Ev rəhbəri Rusiya-Ukrayna münaqişəsinin həlli üçün keçirilən İstanbul danışıqlarından bəhs edib.

Donald Tramp Rusiya Prezidentinin İstanbula getməməsini belə izah edib:

“Mən İstanbula getmədiyim üçün Putin görüşdə iştirakdan imtina edib. Əgər mən orada yoxamsa, o, niyə getsin? Mən lap əvvəldən Putinin mənim iştirakım olmadan danışıqlarda iştirak edəcəyinə şübhə edirdim”.

O həmçinin bildirib ki, əgər lazım gələrsə, Rusiya-Ukrayna münaqişəsinin nizamlanması üzrə danışıqlarda iştirak etmək üçün mayın 16-da İstanbula getməyə hazırdır.

Bu arada, Türkiyənin xarici işlər naziri Hakan Fidan NATO Xarici İşlər Nazirlərinin qeyri-rəsmi toplantısının açılışında çıxışı zamanı bildirib ki, Türkiyə sülhə nail olmaq üçün həmişə diplomatik yolu müdafiə edib:

“Üç illik əzab-əziyyətdən sonra bir fürsət pəncərəsi açılıb. Ümid edirəm ki, İstanbulda keçiriləcək danışıqlar problemin həllində yeni səhifə olacaq”.

#Vladimir Putin