Tramp Rusiya-Ukrayna müharibəsi ilə bağlı nələri danışdı?

ABŞ Prezidenti Donald Tramp bəyan edib ki, onun sələfi Co Bayden Avropa ölkələrindən Ukraynaya ayrılan maliyyənin artırılmasını tələb etməyib, sadəcə olaraq ABŞ vergi ödəyicilərinin pullarını paylayıb.

“Biz Ukraynaya az qala 300 milyard dollar yardım etdik, Avropa isə 200 milyard dollardan daha az verdi. Niyə? Çünki Bayden onlardan heç vaxt pul istəməyib, sadəcə pulumuzu paylayıb”, – deyə Tramp bidirib.

ABŞ lideri əlavə edib ki, onun administrasiyası hazırda avropalı müttəfiqlərlə onların ayırdığı vəsaitin Vaşinqtonun maliyyə dəstəyi ilə uyğunlaşdırmaq üçün danışıqlar aparır.

Donald Tramp həmçinin Rusiya-Ukrayna münaqişəsinin həllində mühüm irəliləyişin əldə olunduğunu açıqlayıb.

“Biz Rusiya-Ukrayna münaqişəsinin həlli üzrə əhəmiyyətli irəliləyiş əldə etdik”, – deyə Ağ Ev rəhbəri qeyd edib.

Eyni zamanda Tramp ABŞ-nin yardımı müqabilində Ukraynadan nadir torpaq elementləri almaqda maraqlı olduğunu bildirib.