Tramp Tailand və Kambocanı nə ilə hədələdi? - Baku TV

14 dekabr 2025 204 baxış

ABŞ Prezidenti Donald Tramp Tailand və Kamboca arasında yaranan gərginliyin aradan qaldırılmayacağı təqdirdə bu ölkələrin hakimiyyətini onların məhsullarına yeni gömrük rüsumları tətbiq edəcəyi ilə hədələyib.

Amerika lideri bunu “The Wall Street Journal” qəzetinə verdiyi müsahibədə bildirib.

“Əgər müharibəyə başlasanız, mən nəinki ticarət müqaviləmizi ləğv edəcəyəm, həm də ölkələrinizə tariflər tətbiq edəcəyəm, bunu məndən başqa heç kim edə bilməz”, – deyə D.Tramp əlavə edib.

D.Tramp tariflərin tətbiq edilməsini öz Administrasiyası üçün vacib bir xarici siyasət aləti kimi qiymətləndirib.

O vurğulayıb ki, ABŞ Ali Məhkəməsi tərəfindən bəzi tariflərin ləğv edilməsi ölkəsi üçün dəhşətli nəticələrə səbəb ola bilər. Lakin Amerika lideri buna baxmayaraq, əlavə tariflər tətbiq etmək üçün hüquqi əsaslar tapacağına əmin olduğunu bildirib.

Qeyd edək ki, dekabrın 7-də Kamboca-Tailand sərhədi boyunca silahlı toqquşmalar baş verib.

#ABŞ