Tramp Ukrayna müharibəsini dayandıra biləcəkmi?

“Vladimir Putin məni çox məyus etdi. Biz insanların yaşamasına kömək etmək üçün bir şey edəcəyik”.

ABŞ lideri Donald Tramp bu barədə radioaparıcı Skott Cenninqsə müsahibəsində danışıb.

“Bunu deyə bilərəm. Amma insanların yaşamasına kömək etmək üçün nə isə edəcəyik. Söhbət Ukraynaya kömək etməkdən getmir, insanlara yaşaya bilmələri üçün kömək etməkdən gedir. Hər həftə çoxu əsgər olmaqla 7 min adam ölür. Bəli, yeddi min? Buna görə də bunu dayandırmağa kömək etməliyəm, düşünürəm ki, bunu etməliyəm”, – o bildirib.

Onun sözlərinə görə, Vaşinqton insanların həyatını xilas etmək üçün müəyyən addımlar atacaq.

“Bu, mənasız müharibədir. Əgər mən o zaman prezident olsaydım, bu müharibə heç vaxt başlamazdı. Bu məni daha da çox narahat edir, çünki seçkilər tamamilə saxtalaşdırılmışdı. Bu, biabırçılıqdır. Görək nə olacaq. Amma indi mən Prezident V.Putindən çox məyusam”, – deyə ABŞ lideri vurğulayıb.