Tramp və Putinin görüşü ərəfəsində nələr baş verə bilər? | Sensasiyalı xəbərin detalları

Kiyev Rusiyanın Luqansk, Donetsk, Zaporojye, Xerson vilayətləri və Krımda artıq işğal olunmuş ərazilər üzərində nəzarətinin faktiki olaraq tanınması ilə hərbi əməliyyatların dayandırılması variantını nəzərdən keçirməyə hazırdır.

“The Telegraph” xəbər verir ki, Donald Trampla Vladimir Putin arasında Alyaskada keçiriləcək görüş ərəfəsində diplomatik dairələr Ukrayna Prezidenti Volodimir Zelenskinin mövqeyinin yumşaldılmasını müzakirə edirlər.

Nəşrin yazdığına görə, bəzi Avropa paytaxtlarının dəstəklədiyi bu ssenari cəbhə xəttinin dondurulmasını, Ukraynaya silah tədarükü və NATO-ya daxil olmaq perspektivi də daxil olmaqla təhlükəsizlik zəmanətlərinin verilməsini nəzərdə tutur. Zelenski isə bəyan edir ki, heç bir sazişə əlavə ərazi güzəştləri daxil edilməməlidir.

Emmanuel Makron, Donald Tusk və Fridrix Merts də daxil olmaqla Avropa liderləri beynəlxalq səviyyədə tanınmış sərhədlərin güc yolu ilə dəyişdirilməsinin qəbuledilməz olduğunu və Putinlə danışıqlardan əvvəl iddialarını bildirmək üçün çərşənbə günü Trampla görüşməyi planlaşdırdıqlarını bildiriblər.

Trampın özü bildirib ki, sammitdə Ukrayna torpaqlarının qismən qaytarılmasına nail olmağa çalışacaq. Bununla belə, o, hər hansı ərazi dəyişikliyinin konstitusiya tərəfindən təsdiqlənməsinin zəruriliyi ilə bağlı Kiyevin mövqeyini tənqid edib.

NATO isə vurğulayır ki, ərazilərin faktiki işğalı hüquqi cəhətdən tanınmaz.

Ukrayna hakimiyyəti xatırladır ki, Rusiya qoşun yeritməyə və yeni hücumlara hazırlaşmağa davam edir, ona görə də Kremlin müharibəni bitirməyə hazır olması barədə danışmaq tezdir.