Tramp və Şaraa arasında gizli anlaşma? - Ərdoğan Trampın qərarına belə reaksiya verdi
ABŞ Prezidenti Donald Tramp Səudiyyə Ərəbistanının vəliəhdi Məhəmməd bin Salmanın dəvəti ilə Suriya Prezidenti Əhməd əl-Şaraa ilə görüş keçirib.
Bu barədə məlumatı Ağ Evin mətbuat katibi Kerrolayn Livitt “X” sosial şəbəkəsində paylaşıb.
Görüşdə Türkiyə Prezidenti Rəcəb Tayyib Ərdoğan da telefon vasitəsilə iştirak edib.
Ərdoğan Trampın Suriyaya qarşı sanksiyaların ləğvi qərarını yüksək qiymətləndirib və Səudiyyə Ərəbistanı ilə birgə Suriyada sülh və rifaha töhfə verməyə hazır olduğunu bəyan edib.
Vəliəhd şahzadə Trampın bu addımını “cəsur qərar” adlandıraraq təşəkkür edib. Prezident Tramp isə Ərdoğan və vəliəhdə dostluqları üçün təşəkkür edərək, əl-Şaraaya ölkəsində “tarixi bir şey etmək” imkanı olduğunu bildirib.
O, Suriya Prezidentini aşağıdakı addımları atmağa çağırıb:
1. İsraillə Avraam sazişlərini imzalamaq;
2. Bütün xarici terrorçulara ölkəni tərk etməyi əmr etmək;
3. Fələstinli terrorçuları deportasiya etmək;
4. İŞİD-in yenidən canlanmasının qarşısını almaqda ABŞ-yə yardım etmək;
5. Şimal-şərqi Suriyadakı İŞİD saxlanma mərkəzlərinə görə məsuliyyəti üzərinə götürmək.
#ABŞ teqi istifadə olunub
- ABŞ və Çin liderləri süni intellektlə bağlı nələri müzakirə edəcəklər?
- Epşteynin kamerasında tapılan məktubda nələr yazılıb? | Ölümündən həftələr öncə... - Baku TV
- Tramp xüsusi nümayəndələrini İranla danışıqlara göndərməyəcək
- ABŞ və Çin arasında böyük bazarlıq: İran və Rusiya əsas mövzu olur? - AKTUAL GÜNDƏM
- ABŞ-nin “Azadlıq layihəsi” əməliyyatı Hörmüz boğazını açmaya bilər
