Trampa qarşı kampaniyanın 2 əsas məqsədi | Sergey Markovdan mühüm açıqlama

ABŞ və Avropa mediasında Donald Trampı Rusiyaya qarşı daha sərt mövqe tutmağa məcbur etmək üçün kütləvi təzyiq kampaniyası aparılır. Bu kampaniyanın iki aydın məqsədi var: Vladimir Putin və Donald Trampın planlaşdırdığı Rusiya ilə ABŞ arasında münasibətlərin normallaşması prosesini pozmaq və D.Trampı yenidən Ukraynaya silah ayırmağa başlamağa məcbur etmək.

Bunu rusiyalı politoloq Sergey Markov özünün “Telegram” kanalında yazıb.

“Cozef Baydenin komandası getməzdən əvvəl Ukraynaya külli miqdarda silah ayırıb və D.Tramp bütün bu müddət ərzində onları təmin edib. Ancaq yenilərini ayırmır. C.Baydenin silahlarının tədarükünün iyunun sonunda başa çatması gözlənilir və o zaman Ukrayna Ordusu, onun Avropadakı dayaq bazası çətin vəziyyətdə qalacaq. Beləliklə, D.Trampa qarşı təzyiq kampaniyası güclənəcək.

Üstəlik, Ukrayna Təhlükəsizlik Xidməti, Britaniya və Fransa kəşfiyyatından hansısa qanlı təxribat gözləmək ehtimalı yüksəkdir. Bu təxribatın məqsədi bəllidir – D.Trampı Rusiya rəhbərliyinin barbarlığı və qəddarlığı qarşısında dəhşətə gətirmək və o, hər şeydə V.Putini günahlandırsın, silah tədarükünü bərpa etsin. Onlar artıq D.Trampı V.Putinə qarşı sərt bəyanatlar verməyə sövq ediblər. D.Trampı “sındıracaqlar”, – S.Markov bildirib.