Trampdan Ukrayna ilə bağlı açıqlama

ABŞ Prezidenti Donald Tramp ilə Ukrayna lideri Volodimir Zelenskinin görüşü bütün dünyanın diqqətindədir. Trampın çıxışı zamanı Zelenskinin gülməsi və üz mimikaları ilə ona mesaj ötürməsi xüsusi diqqət çəkib. Buna Ağ Ev rəhbərinin Rusiyanın Ukraynanın qələbəsini istəməsi fikrini səsləndirməsi səbəb olub.

“Bəli. Mən Rusiya-Ukrayna münasibətlərinin yenidən inşası prosesini müzakirə etmişəm. Onlar bu məsələdə kömək edəcəklər. Rusiya Ukraynanın qələbəsini istəyir. Qəribə səslənsə də, mən Prezident Vladimir Putinlə danışırdım. O, Kiyevin uğurundan yanadır. Putin qaz, elektrik enerjisi və digər ehtiyacların aşağı qiymətə Ukraynaya verilməsində də maraqlıdır”, – deyə Donald Tramp bildirib.

Bu görüşdən məmnun qalmayan yalnız Ukrayna Prezidenti deyil. Elə Kiyev sakinləri də son zamanlarda ümidsizliyə qapıldıqlarını açıqlayıblar.

“Danışıqlar vacibdir. Tərəfdaşlarımızla razılaşmalar və müzakirələr önəmlidir. Lakin bir görüş müharibənin gedişatını dəyişdirə biləcəkmi? Təəssüf ki, yox. Biz düşmənimizi görürük. Bilirik ki, danışıqlar onu dayandırmır. Onu yalnız real güc dayandıra bilər. İndiyə kimi bu gücü əsgərlərimiz təmin edib. Ona görə də danışıqlarla müharibənin sonlandırılması ehtimalı çox aşağıdır”, – onlardan biri söyləyib.