Trampın 7 bəndlik Ukrayna sazişi aranı qatdı | Zelenski razı olacaq, yoxsa...?

ABŞ Prezidenti Donald Tramp Rusiyaya Ukraynada işğal etdiyi ərazilərin hamısını özündə saxlamağa imkan verən sülh sazişi təklif edib.

Bu barədə “The Telegraph” məlumat yayıb.

Saziş ABŞ-dən Ukrayna üçün aydın təhlükəsizlik zəmanətlərini ehtiva etməyən müharibəni bitirmək üçün yeddi bəndlik planın bir hissəsidir. Qeyd olunur ki, təklifin əsas məqamı Ukrayna ərazilərinin işğalının faktiki olaraq tanınması ilə əlaqəlidir.

Mənbələrdən biri bildirib ki, planın ilk iki bəndində dərhal atəşkəs və Kiyev və Moskva arasında birbaşa danışıqlar nəzərdə tutulur. Üçüncü bəndə görə, Ukrayna Avropa İttifaqına (Aİ) daxil olmaq variantını saxlamaqla, NATO-ya üzv olmaqdan imtina etməlidir.

Avropa qüvvələri sabitliyi təmin edə bilər, amma ABŞ onların dəstəyinə zəmanət vermir.

Planın dördüncü bəndi Krımın rəsmi şəkildə Rusiya ərazisi kimi tanınmasıdır. Rusiya Krımdan əlavə Donetsk, Luqansk, Xerson və Zaporojye vilayətlərinin bir hissəsini tutur.

Altıncı bənd Amerika şirkətləri üçün Ukrayna resurslarına çıxışı açan sazişin imzalanmasını nəzərdə tutur. Yeddinci məqam Amerikanın Rusiyaya qarşı bütün sanksiyalarının götürülməsi və enerji sektorunda əməkdaşlığın yenidən başlaması ilə bağlıdır.